"Seus postus mali meda". Custumerì in S'Alighera un'assembrea noa po sa difesa de sa Sanidadi

(IlMinuto) – Casteddu, 3 de su mes''e totussantus - Sighit, assembrea po assembrea, sa mobilitada de su "Comitato a sostegno della Sanità Algherese e del Territorio" po otèniri su fàbbricu de un'ispidali nou e po "cambiai una situatzioni chi de meda tempus est portendi sa sanidadi de su territoriu a si morri". "Cun custus atóbius - si ligit in d'una nota de imprenta - est nàsciu, cun su cuntribbutu de totus, una specie de pranu chi iat a depi donai solutzionis e iat a depi torrai a fai bivi totu su cumpartu". Su pranu a difesa de sa sanidadi de su territoriu at essi presentau custu merì in S'Alighera (16.00, saba Polisoccorso de bia Liguria), in d'una assembrea oberta a tutu sa genti de su logu.