S'arrennegu de is pastoris blocat s'Ísula. Floris (Mps): "Tra pagu in Roma o a Bruxelles"

(IlMinuto) – Casteddu, 26 de su mes''e totussantus - S'arrabiu de is pastoris trunca un'àtera borta s'Ísula in duus. A pustis de sa manifestada a fac''e sa Saras de cida passada, oi pagu prus de 150 pastoris de Mps at blocau sa Sardigna frimmendi su tràvigu de s'istrata statali 131 abbias de is duus sensus de màrcia, primu a s'artesa de sa scansada po Bolotona e a pustis, de is 11.30, in Tramatza. Is arrexonis de sa protesta funti cussas de is mesis passaus. A Pustis de sa "traitoria" de s'acórdiu Giunta-Mps de su 2 de totussantus, su Movimentu torrat a partiri de sa dimanda de 15milla eurus de finantziamentu de minimis po aziendha. Is bandheras blu de is pastoris sardus iant a podi scentalliai cantu primu a foras de s'Ísula. Segundu su leader de su Movimentu Felice Floris sa Giunta regionali no rapresentat prus un'interloccutori fidau. "Seus pensendi - at nau Floris - de portai sa lota nostra in Roma o puru in Bruxelles".