Sanidadi: manifestada de is Oss in su Brotzu. Usb: "Pigant fissu genti de is agentzias interinalis"

(IlMinuto) – Casteddu, 17 de su mes''e totussantus - Un'àtera mobilitada de is oss, sa mobilitada esti stetia aprontada de su sindacau de basi Usb. Ariseru unu gruppu de casi 50 oss, a custus s'est uniu puru calencunu coxineri, at manifestau a fac''e su Brotzu de Casteddu. Is traballadoris dimandant de donai su postu a su personali chi mancat pighendiddu de is graduatórias de is cuncursus e no de is agentzias interinalis. Gióbia a is 9.00 su cummussàriu istraodinàriu de su Brotzu, Antonio Garau (ariseru no furiat disponìbbili a atobiai a is traballadoris, ma furiat prontu prontu a si fai intervistai de sa televisioni) at a arriciri una delegatzioni de is oss e de is coxineris. In sa mantessi diri is precàrius chi ant bintu su cuncursu ant a manifestai torra a fac''e s'ispidali prus mannu de sa Sardigna. "Pigai sa genti de is agentzias interinalis - si ligit in d'una nota Usb - costat meda de prus a is cassas de sa Regioni e duncas a chini pagat is pagamentas. S'impitu de custa genti est fissu, no benit fattu po abbisóngius berus e istraordinarius, ma beni fattu sèmpiri po assegurai su traballu de ordinària amministratzioni".