Sa "brullixedda" de don Madau. Sa Consulta de is giòvanus de Terraba: "Cracida de àcua asuba de is istrumentus de su cuncertu de Halloween"

(IlMinuto) – Casteddu, 5 de su mes''e totussantus - Nudda Halloween e rock’n'roll: seus in Terraba. Depit ai pensau custu don Battista Madau, préidi de sa Crésia de San Pietro. "Su 31 de su mes''e ledàminis - si ligit in d'una nota - sa Consulta de is giòvanus de Terraba at aprontau unu concerteddu in pratza po animai su noti de festa, dd'ant fattu cun tanti de permissus firmaus e timbraus. Ma su préidi parrit chi no apat gradéssiu is isfortzus de custus piciocus chi funt fadendi de totu po no fai morri sa bidda". Nudda drucixeddu, ma de su préidi est arribbada una "brullexedda" meda grai. Segundu cantu contat sa Consulta de is giòvanus, su rapresentanti de sa Crésia católica at difatis sceberau de scalabrai su concertu chi si furiat tenendi in sa pratza manna de Terraba "ghetendi una cracida de àcua asuba de is istrumentus arroghendiddus".