Presonis: de su 29 in Casteddu sa mostra de is prèndhas in filet fattas de is presoneras

(IlMinuto) – Casteddu, 24 de su mes''e totussantus - De lúnis chi benit fintzas a su 4 de su mes''e paschixèdda una cincuantena tra maníglias, arras e àteras prèndhas - petzus únicus fattus cun s'arti de su filet de una bintina de presoneras de su presoni casteddaiu de Buoncammino - ant essi in mostra in sa Bibblioteca de s'Iscola Media "Cima" de Casteddu. S'apuntametu, si ligit in d'una nota fatta connosci de s'Assótziu Socialismo Diritti e Riforme, est s'arresurtau de su progetu "I gioielli e il ricamo", bideau e curau de sa maista Alba Demurtas e de sa maista de filet Mariangela Porcu, chi ant dedicau 30 oras a imparai a is presoneras cust'arti. "No esti stetiu - at acrarau Demurtas - scéti unu momentu de ispàssiu po is féminas presoneras, ma esti stetia puru un'ocasioni po imparai un'arti chi si podit spendi in su mercau de su traballu".