“Movimento Pastori Sardi”: “Eus firmau un’acórdiu, no una resa. Si necessàriu seus prontus a torrai in pratza”

(IlMinuto) – Casteddu, 4 de su mes''e - "Ariseru (martis, ndr) s'est firmau s'acórdiu, no una resa. Sa bandhera de su movimentu est cussa blu, no cussa bianca!". Cun custus fueddus su rapresentanti de su "Movimento Pastori Sardi", Giuseppe Putzolu, serrat un'artículu pubblicau in su giassu uficiali de Mps. Po Putzolu s'acórdiu tra sa Giunta Regionali e Mps est una bitória.

"S'est serrada - si ligit in s'artículu - una cuntienda chi andàt ainnantis de mesis, comenti andànt ainnantis de mesis is batallas de su "Movimento Pastori Sardi", biendi aprovau unu pranu chi, in pagus fueddus, est de casi 150 millionis de eurus". Chi no s'arrespetat su "patu" firmau a su chizti de su 2 de su mes''e totussantus, su Movimentu de Felice Floris est prontu a torrai a pigai sa mobilitada. "Su movimentu nostru - precisat Putzolu – s'est impignau a sufragai cun sa Regioni a manera chi custu progetu possat essi sighiu de atzionis beras e fattas debressi. Su "Movimento Pastori Sardi" no at scéti agiudai, ma at a cuntrollai chi is impignus bengant onoraus. Chi no fessat aici s'at a torrai in pratza".