Mostras: "Art Café", fintzas a cras in Casteddu is musàicu de Emilie Baudrais

(IlMinuto) – Casteddu, 4 de su mes''e totussantus - S'at a serrai cras sa mostra  "Art cafè" de Emilie Baudrai aghilia in is aposentus de su Dulcis cafè, in s'arburada Regina Margherita 14 in Casteddu. Emilie Baudrais, artista francesa, at imparau is segretus de su musàicu antigu e modernu in Spilimbergu de is maistus friulanus. Oi s'artista stait in Muristènis e sighit a sperimentai s'arti sua donendu vida a un'universu ammainadori de reflessus e materialis pretziaus, asuba de is calis - si ligit in d'una nota - "sa luxi e sa síntesi ótica giogant un'òbera determinanti". Fueddendi de s'arti sua sa maista de su musàicu declarat: "S'artista beru est unu mainarxu. Deu no circu de creai òberas de arti ma m'isfortzu de trasmiti maia universali, chi siat de totus est a nai chi no tenit bisóngiu de tonnelladas de ingírius po essi cumprendia. E simplementi sensibili".