Lota de is pastoris. Acórdiu in tres puntus tra sa Giunta e Mps. Annullada sa manifestada

(IlMinuto) – Casteddu, 2 de su me''e totussantus - Furriada in sa contienda pastoria. Cun d'un'acórdiu firmau a is 4.30 de su noti in Villa Devoto (a pustis de noi oras de negoziatzioni) de su presidenti de Regione Ugo Cappellacci e de Felice Floris e Fortunato Ladu de Mps, "Su 'Movimento dei Pastori Sardi' [...]" lassat "dógnia forma de protesta e s'impignat po un'agiudu costanti e profetosu cun sa Regioni po su cumprimentu de s'acórdiu". Annullada duncas sa manifestada chi Mps iat aprontau po cras in Casteddu e chi iat arregortu s'apógiu de is istudiantis, de su 'Popolo viola', de Sdel, de aMpI, de su Pdac , ma no scéti, chi iat tentu sa solidariedadi de totu sa genti. S'acórdiu ponit fini a tres mesis de mobilitada. Ma ita ddoi est in s'acórdiu? Funt tres is puntus firmaus. Su primu previdit sa dispensa de dexi millionis de eurus - provedimentu de insertai in su ddl de su cumpartu - a "is istruturas de traformatzioni" po insutzulligai sa còmpora de su lati a unu prétziu tra is 75 e is 85 centésimu a su litru.

Su segundhu puntu imbidat "a torrai a biri su Programma de isvulupu rurali": 100 millionis in tres annus de donai mellus a su "benistai de is animabis".

Serrat s'acórdiu "unu cuntribbutu de 2500 eurus po aziendha po s'annu 2010 (de pigai intru de su 31 de su mes''e paschixèdda)".

Mps dimandat puru de "valutai sa possibbilidadi de anticipai a su 2011 sa parti de su 2012 (de donai intru de su 31 de su mes''e martzu de su 2011)".