Lei "salvagricoltura". Scanu (Cia): "Spogliu mannu in is manus de is industrialis"

(IlMinuto) – Casteddu, 16 de su mes''e totussantus - "Sa Giunta regionali, cun su provvedimentu aprovau in Consillu Regionali asuba de sa proposta sua, at pensau a is industrialis, prus ca a is pastoris e a is massajus". Est cantu afirmat cun d'una nota su presidenti regionali de sa Cia Martino Scanu. "Sa Giunta - precisat Scanu - at prenu is acórdius firmaus cun afirmaduras cun promissas chi no bolliat e no at bófiu arrespetai. Nai oi ca teniaus arrexoni est puru banali. Furiat craru ca senz''e is risorsas finantziarias necessàrias no iat a essi stetiu possíbbili assegurai is 2.500 eurus a dógnia aziendha". S'aici nada lei "salvagricoltura" - acrarat su presidenti Cia - "est unu provvedimentu po s'industria de trasformatzioni, chi ancora una borta s'agatàt in sa mesa unu spogliu mannu de arrapignai senz''e torrai nudda a is produtoris de su lati".