Istitutzionis. Rossomori: "Ammenguai is costus de sa política senz''e 'ndi liai' sa democràtzia"

(IlMinuto) – Casteddu, 18 de su mes''e totussantus - Ammenguai de meda is "stipendius" e is indennidadis pigadas de is consilleris, de is assessoris, de is funtzionarius e de is dirigentis-manager regionalis "cun d'unu rigorosu castiamentu asuba de is movimentus finantziarius, in intrada e in bessia, aintru de dógnia síngulu Assessorau". Est custa sa proposta de is Rossomori po abbàtiri is costus de sa política. Is sardistas de sinistra, acrarat su presidenti Claudia Zuncheddu, funt perou contràrius a ammenguai de 60 a 80 su númeru de is Consilleri regionalis. "Sa proposta trasversali de sa majoria de is políticus in Consillu Regionali de ammenguai su númeru de cumponentis de su Consillu po abbàtiri is costus de sa política - precisat Zuncehddu - no fait àteruruca a 'ndi liai sa democràtzia' neghendi aici una rapresentantzia a totus is minorias presentis in sa realidai sarda cun 'rispàrmius de pagu contu po sa buxaca púbblica'".