Cento Passi (Prc): “In Nùgoro nesciuna bia a Francesco Cossiga

(IlMinuto) – Casteddu, 15 de su mes''e totussantus - Puru su círculu Prc Cento Passi de Nùgoro narat no a sa proposta de donai su nòmini de una bia de sa citadi a Francesco Cossiga. "Su círculu - precisat una nota - acotzat e cundividit s'arrefudu de sa majoría de su Consillu Comunali nugoresu de donai a una bia su nòmini de Francesco Cossiga". In pagus arrigas su Cento Passi torrat a costruiri is responsabbilidadis de "Kossiga" in d'unus scantu de is pàginas prus malas de s'istoria de sa Reprúbbica italiana. Su círculu - concluit su comunicau - "ammentat ita at fattu s'onorevoli Kossiga in s'acontéssia Gladio e in s'acontéssia Moro, in sa gestioni de is corpus separaus de su Stadu, in su controllu de is fortzas de scontróriu po is manifestadas de pratza (nesciunu podit scaresci is fotografias pubblicadas in totu is giornalis in su '77 chi ammostànt is fortzas de s'órdini in borghesu sparai a artesa de ómini e a pustis trisinadas in sa morti de Giorgiana Masi)".