UN'ANNU FAIT. Nucleari: Zuncheddu (Rossomori), "A pustis de medas proclamas, de parti de Cappellacci una mudesa ch’insurdat"

(IlMinuto) – Casteddu, 1 de su mes”e ledaminis de su 2009 – Sa Toscana, sa Liguria, s’Emilia Romagna, sa Calabria, s’Umbria e su Piemonti funt giai faendi recursu a sa Corti costituzionali contra a sa decisioni de su Guvernu de fai sì ca s’opinioni de is regionis po s’installazioni de is centralis nuclearis no siat vinculanti. Sa Regioni Sardigna – nonostanti su Consillu regionali siat stetiu de acórdiu “po acastiai” s’ísula de su nucleari – no at ancora decídiu de fai custu passu. Ddu denunziat cun d’unu comunicau de imprenta sa Consillera regionali de is Rossomori Claudia Zuncheddu. “Bideus – scririt Zuncheddu – su modu de fai arreulau e cumpraxenti de su Presidenti Ugo Cappellacci, chi parrit no tengat gana de donai cunfirma cun is fatus a is medas pragonis e proclamas”. “No podeus no notai – sighit sa sardista de sinistra – custa mudesa ch’insurdat, una mudesa chi arribbat de is ufícius de sa Giunta impari a s’ausenzia de su Presidenti in sa própriu sedi istituzionali, própriu in d’unu períudu aici dílicau po sa vida de sa Regioni nostra”.

Ligi totus is novas de IlMinuto chi chistionant de Nucleari:

http://www.ilminuto.info/?s=nucleare