Terremotu in Irs: sa segretària Demuru si dimitit in cundierra cun su presidenti Sale

(IlMinuto) – Casteddu, 27 de su mes''e ledàminis - Tensioni tra is capus mannus de Irs. Domínigu passau - in s'assembrea natzionali de s'organizatzioni, chi s'est tenta in Tramatza - sa segretària Ornella Demuru e  totus cussus de s'Esecutivu Bobore Bussa, Frantziscu Sanna, Franciscu Pala, Andrea Meloni, Franciscu Sedda e Giuliu Cherchi ant donau is dimissionis de is incàrrigus. Dimissionis arribbas a pustis de s'interventu de Gavino Sale, presidenti de Irs, chi at postu in discussioni senz''e medas gírius sa "gestioni Demuru", dimandendi a is capus mannus de torrai a donai su poderi a s'assembrea de is ativistas. "Biu - si ligit in su comunicau - cantu afirmau de su presidenti natzionali, chi cun is fueddus suus at atacau s'istrutura organizativa, de cussu chi est s'Esecutivu natzionali e de is Tzde delegaus a is elaboratzionis in méritu a s'organizatzioni, decidint de torrai su mandau de su 17 de su mes''e gennàrgiu in is manus de s'Assembrea natzionali de is ativistas, aghillendi aici s'imbidu de su presidenti de torrai a donai su poteri a s'Assembrea".

"In custas diris - declarat s'ex segretària Demuru - s'ant a tenni reunionis in totu su territoriu natzionali di modu de donai a is ativistas su rolu de protagonistas, comenti esti stetiu sèmpiri in Irs. Cantu est acontéssiu fait parti de una normali dialética tra nos comenti depit essi in d'un'organizatzioni pluralista e democràtica".