Su fueddu a is traballantis. Cras in Crabònia dibbata asuba de sa crisi "a pustis de su sdorrobbatóriu"

(IlMinuto) – Casteddu, 22 de su mes''e ledàminis - "Dopo il saccheggio cosa rimane?". Est custu su títulu de s'assembrea aprontada po cras in Crabònia (16.30, Bibblioteca comunali de arburada Arsa) de su Collettivo Anticapitalista Sardo. A s'atóbiu - guidau de Salvatore Drago e introdusiu de su "Minatore rosso" Antonello - ant a participai Sergio Murenu (Rsu Eurallumina), Nicola Tradori (cassintegrau ex istabilimentu industriali po sa produtzioni de su tzúcaru Biddesorris), Roberto Loddo (Rsa call center Kistio), Rossella Vacca (Precaria de s'iscola) e Luigi Manca (Rsu Carbosulcis). Totus is citadinus funt imbidaus a participai. "Sa crisi - si ligit in d'una nota de imprenta - chi corpit su mundu capitalisticu e chi po sa Sardigna tenit cusseguéntzias meda malas. A essi corpius funt po su prus is cetus produtivus, ma puru is pensionaus, is disimperaus e is precarius. Fàbbricas chi serrant, s'iscola púbblica chi benit fatta a arrogus diri po diri, prétzius de su lati frimmus a is livellus de 20 annus fait e "imprendidoris" chi a pustis de ai pigau su dinai pigant de si ndi andant".