Sanidadi. Espa e Bruno (Pd): "De sa Giunta 25 millionis liaus a is progetus po is invàlidus grais. In migliaja senz''e assistu"

(IlMinuto) – Casteddu, 26 de su mes''e ledàminis - Sa decisioni de sa Giunta regionali de ndi liai is 25 millionis de eurus chi furiant destianus a is progetus po is invàlidus grais arriscat de lassai "migliaja de personis e is famílias insoru senz'''e agiudu". Est cantu denunciant cun d'una nota is consilleris regionalis de su Pd Marco Espa e Mario Bruno. "Ligendi sa delíbbera aprovada de sa Giunta - scrirint is duus consilleris - est craru su tentativu de arresparmiai risorsas. Si s'annu passau funti stetius donaus 116 millionis de eurus po 28.351 progetus a dógnia síngulu, oi sa Giunta regionali decidit de cambiai is critérius de assignadura de is risorsas ponendi unu límiti de 91 millionis de eurus". "Aici - concluint is duus rapresentantis de su Pd - in su momentu de sa presentada ddoi ant essi migliaja de personis cun invàlididadi e is família insoru chi ant a abarrai totinduna senz''e nesciunu agiudu".