'Questione sarda': domínigu in Ilàrtzi dibbàtidu po fueddai de anticapitalismu e colonialismu

(IlMinuto) – Casteddu, 1 de su mes''e ledàminis - Sighit su dibbàtidu asuba de sa "chistioni sarda". A pustis de s'atóbiu promòviu de su Sindacadu de sa Natzione in Pòrtu Turre e de su cunvegnu casteddaiu "Ragione di Stato e Destino della Sardegna", su cunfrontu asuba de is temas de s'indipendentzia e de sa soverania de s'Ísula at a sighiri domínigu chi benit in Ilàrtzi, cun d'unu cunvegnu in programma a is 10.00 in sa sedi de sa Sociedadi operàja."Pensaus chi siat meda importanti - si podit ligiri in s'apellu firmau de Amos Caria, Vincenzo Pillai e Gianluigi Deiana – sa sighidura de s'arregionu asuba de cosa, senz''e serraduras ideologicas e senz''e lógicas de arringheramentu e cun sa necessidadi de favorèssiri sa participatzioni de is giòvanus a is cunditzionis noas de sa lota anticapitalista e anticolonialista in Sardigna".

"Is sinzus po torrai a fai unu cunsidériu nou e chi sigat in su tempus - acrarant is aprontadoris - si funt ammostendi diri po diri, in su giru de sa sinistra antagonista e in cussu de is organizatzionis inidipendentistas".