In primu pranu: lota de is pastoris. Su Sindacadu de sa Natzione sarda: "Isciòpiru generali de sa Sardigna"

(IlMinuto) – Casteddu, 20 de su mes''e ledàminis - "Espressaus totu sa solidariedadi a s'àmigantzia nostra a totus cussus chi funti stetius fertus senz''e arrexoni de is surras de is fortzas de politzia aintru de sa fúrria orrorosa". Est cantu declarat cun d'una nota Anghelu Marras, boxi de Su Sindacadu de sa Natzione Sarda. "Connosceus - sighit Marras - is pastoris su manifestai dignitosu insoru e scideus de su puntigliosu ressíngiu insoru. Eus imparau a cumprendi canta fatiga siat necessària po si stresiai de is satus e lassai is cuilis po andai a manifestai su própriu arragu chi, essendu aici, iat a depi essi arrespetau e cundividiu. No scieus, in veci, cantu apat influiu s'auséntzia de professionalidadi espressada in custa diri e no scieus cantu atuamanetu senz''e coru ddoi fessit in s'ai determinau unu livellu de aciocu 'prus artu'". "Sa lota de is pastoris e sa lota de is traballantis de s'industria - concluit - rapresentant sa lota de su pópulu sardu. Su Sindacadu de sa Natzione Sarda pensat ca siant prontus is tempus po lamai un'isciòpiru generali de sa Sardigna"