In primu pranu: lota de is pastoris. Prc: "Política de demodràtzia tupadas cun sa fortza"

(IlMinuto) – Casteddu, 20 de su mes''e ledàminis - "Cantu est acontéssiu in su merì de ariseru est una cosa chi no si podit acetai e chi ammostat sèmpiri de prus s'auséntzia de abbiléntzia de su guvernu regionali, auséntzia grai candu si fueddat de afrontai un'apretu aici importanti. Candu sa política e sa democràtzia benint tupadas cun sa fortza e su scontróriu est arribbada s'ora de lassai s'incàrrigu". Dd'afirmat cun d'una nota de imprenta su segretàriu regionali de Rifondazione comunista Gianni Fresu, cummentendi cantu acontéssiu ariseru a merì in Casteddu ingíriu a is 18.00, candu, a fac''e su Consillu regionali, is fortzas de s'órdini ant carrigau is pastoris de Mps, arribbendi - comenti nau in medas testimónias e relatus - a sparai lacrimogenus a artesa de ómini. Cincu pastoris funti stetius frimmaus, unu manifestanti arriscat de pèrdiri un'ogu e unu fotoreporter esti stetiu fertu a sa conca de unu lacrimogenu (fonti Rai Sardigna). "Comenti Partito della Rifondazione Comunista – precisat Fresu - espressaus s'agiudu prus totali a is pastoris sardus chi de medas mesis protestant in difesa de su traballu insoru e po su salvamentu de unu cumpartu necessàriu po s'economia nostra".