In primu pranu: lota de is pastoris. Floris (Mps): "Cida chi benit torra in Casteddu. Eus essi 20milla". Sa solidariedadi de is istudiantis e de su Pdac

(IlMinuto) – Casteddu, 22 de su mes''e ledàminis - Mps no mollat. Cida chi benit, gióbia o cenàbara, is pastoris de su Movimentu guidau de Felice Floris ant essi torra in Casteddu po otèniri is arrespustas bófias e chi sa política de pit donai. A cumentzai de is 15milla eurus po aziendha de sa de minimis. "Totu sa Sardigna - at declarau Floris - at essi in pratza. Eus essi assumancu 20milla". A sa lota de is pastoris est arribbada puru sa solidariedadi de is "Istudiantis contra a sa crisi" de s'Universidadi de Casteddu e de su Pdac Sardigna. "Scéti acapiendi il lotas de operàjus, pastoris e istudiantis - si ligit in sa nota de su grupu universitariu - at essi possíbbili cambiai s'acuntéssia e costruiri impari unu modu nou de biri su traballu e s'istrutzioni". Su cordinamentu regionali de su Partito di Alternativa comunista puntat su didu asuba de is bancas e asuba de sa política. "Custa mobilitada - precisat su comunicau de su Pdac - podit diaderus rapresentai cussa fraria chi podit ponni fogu a lota de classi in Sardigna: industrialis de su cumpartu de su lati, banchieris e políticus funt difatis giustamenti bius de is pastoris comenti is principalis responsàbbilis de sa crisi de su cumpartu insoru e de cussu de sa massaria".