Presonis. Caligaris (Sdr): "Torrada a ponni s'assistu sanitariu a pustis de 20 diris de unu blocu de foras de contu"

(IlMinuto) – Casteddu, 28 de su mes''e ledàminis - S'assistu sanitariu in is presonis sardus esti stetiu torrau a ponni. Ddu narat cun d'una nota Maria Grazia Caligaris, presidenti de s'Assótziu Socialismo Diritti e Riforme. "Sa satisfatzioni po ai torrau a ponni s'assistu sanitariu in s'ísula - narat Caligaris - est annebidada de s'amargura po su blocu assurdu de 20 diris". "S'est creada - precisat sa rapresentanti socialista - una situatzioni po medas versus pagu cumprensìbbili e assurda. Poita abetai a is protestas e sa mobilitada de is magistraus primu de torrai a ponni s'assistu sanitariu? Aici s'est truncau unu circúitu virtuosu chi depit esisti tra is istitutzionis de unu stadu democràticu".