Presonis. Caligaris (Sdr): ‘Segaus is serbitzius sanitarius in Buoncammino e San Sebastiano. Gravis responsabilidadis de sa Regioni’

(IlMinuto) – Casteddu, 1 de su mes''e ledàminis - "De lùnis 4 de su mes''e ledàminis ant a serrai is centrus diagnosticus-terapeuticus de is presonis de Buoncammino de Casteddu e de San Sebastiano de Tàtari. A cumentzai de sa mantessi diri is presoneris sardus ant a biri in modu drasticu amenguau su serbítziu médicu- infermeristicu-farmacéuticu". Est cantu denunciat cun d'una nota Maria Grazia Caligaris, presidenti de s'Assótziu Socialismo Diritti e Riforme.Su tàgliu de is serbítzius - precisat sa rapresentanti socialista - est "una cusseguéntzia de nota de su Proveditorau regionali chi at dimandau unu pranu de torrada de is ispesas po s'assistu sanitariu". "Cust'acuntéssia grai - acrarat Caligaris - lamat is responsabbilidadis de sa Regioni chi no at ancora provvìdiu a varai sa norma po fai passai sa sanidai penitenziària a su serbítziu sanitàriu regionali".