Ocupatzioni de s'ex Cuestura de Tàtari. Pcl solidariedadi a is giòvanus artistas: "Amministradoris difensoris fariseus de sa 'propriedadi'"

(IlMinuto) – Casteddu, 26 de su mes''e ledàminis - "Sa dinúntzia fatta de parti de s'assessori provintziali Manca a is carabineris contra a is giòvanus artistas, intelletualis e traballantis de s'arti chi ocupant s'ex Cuestura de Tàtari est un'esémpiu de tontímini burocraticu e de totali tzaracumini a su diritu a sa propriedadi". Est cantu afirmat cun d'una nota sa setzioni provintziali de Tàtari de su Partito comunista dei lavoratori. "Fait arràbbiu - sighit su partidu de Ferrando - osservai sa dupiesa de custus amministradoris chi invocant s'arrespetu de is leis e de sa 'propriedadi' in is cunfrontus de is giòvanus chi impitant unu logu púbblicu sbúidu e chi no tenit nesciunu impitu, donendi un'àtera possibbilidadi a s'asciotura culturali e su morri morri de is citadi nostras".