"NoEars, immagini dal silenzio": in Casteddu sa mostra de De Martino dedicada a Terzani

(IlMinuto) – Casteddu, 21 de su mes''e ledàminis - Sàbudu chi benit s'Hotel Regina Margherita de Casteddu at a aghilliri, scéti po una diri, sa mostra fotogràfica de Max De Martino "NoEars, immagini dal silenzio". Is fotagrafias funt totu ispiradas de Tiziano Terzani, chi no furiat scéti giornalista, ma puru fotografu chi fatuvatu acumpangiàt is reportage cun is próprius fotografias. S'eventu curau de s'assótziu culturali HyperionArt de Casteddu, at a cumentzai a is 18.30, cun sa inauguratzioni de sa mostra. Ant a sighiri sa presentada e sa proietzioni de su film "Anam, il Senzanome" de su regista Mario Zanot, última intervista lassada de Terzani. At a serrai su merì una dibata cun su púbblicu asuba de is temas de su filmau.