Música. In S'Alighera sighit sa VI editzioni de is 'Percorsi di Polifonia' de sa Schola Cantorum Allori. Concertus su 4 e su 23 de su mes''e ledàminis

(IlMinuto) – Casteddu, 1 de su mes''e ledàminis - Sighit in S'Alighera sa rassigna "Percorsi di Polifonia" aprontada de sa Schola Cantorum Pietro Allori in sa Crésia de sa Madonna de su Cramu. In s'apuntamentu de lúnis 4 de su mes''e ledàminis, is boxis maschilis de sa Schola ant a donai omaggiu a Pietro Allori maistu de capella de Igrèsias chi fait su 25° anniversàriu de sa morti.

S'apuntamentu s'at a presentai comenti un'excursus atressu de is pàginas prus importantis de sa música de don Allori. Últimu apuntamentu in calendàriu po sa sesta editzioni de s'eventu at essi su concertu de sàbudu 23 de su mes''e ledàminis, in custa diri sa Schola at a fai unu repertóriu rinascimentali, donendi meda atentzioni a sa música veneziana. Su sceberu de is músicas - si ligit in d'una nota - "arrespundit a s'istudiu chi su cuncordu est afrontendi de diversus annus". Po s'ocasioni, sa diretzioni artistica, esti stetia donada a Alessio Manca, s'est bófia cuncentrai s'òpera de Andrea Gabrieli, Organista e cumponidori meda ativu de música sacra (mutetus, salmus e Missas) e profana (madrigali), chi at donau un'importanti contribbutu a su movimentu musicali venezianu.