Emergency po su Sierra Leone. Cras in Tàtari cumentzat sa presentada de sa campagna "un sms de paxi"

(IlMinuto) – Casteddu, 29 de su ledàminis - In su 2001 Emergency at obertu unu Centru chirúrgicu in Goderich, unu burgu de Freetown, in Sierra Leone, po donai agiudu a is vitimas de una gherra civili meda maba, una gherra cumbatia a cropus de machete. Ocannu, cun s'obbietivu de fai cresci s'ispidali, s'assótziu de Gino Strada at promòviu sa campagna "45506. Unu sms de paxi po Emergency", cun s'agiudu de unus cantu tra is prus mannas cumpangias telefonicas. In s'ocasioni de sa serradura de s'arregorta de dinai cras 30 de su mes''e ledàminis, de is 9.00 a is 20.00, is volonteris de su Grupu Emergency de Tàtai ant essi presentis in pratza de Itàlia cun d'unu bancu po informai a sa genti, unu bacu chi tenint puru s'iscopu de arregolli firmas. "In custus annus - si ligit in d'una nota - Emergency at curau prus de 300 milla personis in Sierra Leone. Po cumbàtiri a s'umentu de is bisóngius de sa genti, s'assótziu at decídiu de ammanniai su Centru chirúrgicu, cun su fàbbricu de unu blocu nou de chirurgia, unu prontu socorsu nou e unu repartu nou de terapia intensiva".