Cínema: Karel presentat 'Vento di Sardegna a su Sport Movies & Tv 2010 de Milanu

(IlMinuto) – Casteddu, 8 de su mes''e ledàminis - Si lamat "Vento di Sardegna" su videoclip fattu de sa domu de produtzioni cinematografica casteddaia Karel sceberau de sa Cummissioni po su festival "Sport movies & tv 2010 – 28th Milano International Ficts Fest", chi s'at a tenni in Milanu de su 28 de su mes''e ledàminis a su 2 de su mes''e totussantus. Su festival, una "mostra mundialli po su cínema, is Tv e su Web in su sport" est aprontau de sa F (Fédération Internationale Cinéma Télévision Sportifs) e connotu de su Cio ("Comitato Internazionale Olimpico"). S'òpera presentada de sa domu de produtzioni casteddaia contat su bisu de duus óminis, Guido Maisto e Andrea Mura, chi a solus cicat de guvernai una barca meda mana po fai garas internatzionalis, in cumpetitzioni cun is navigadoris prus bavus de su mundu.

"Vento di Sardegna", girau totu in su Golfo degli Angeli, fait onori - si ligit in d'una nota - "no scéti a s'abbentura sportiva strema, ma puru a sa citadi de Casteddu, basi de sa barca".