Tàtari comenti Melfi. Melis (Pd): 'Trenitalia no arrispetat is sententzias de su giugi'

(IlMinuto) – Casteddu, 8 de su mes''e cabudanni - Sa Fiat tenit una maladia meda gravi e at impestau puru Trenitalia: "no arrespetai is senténtzias de is tribbunalis". Est cantu denunciat cun d'una nota su parlamentari de su Pd, Guido Melis. "Arribbant de diversas regionis italianas, e po su prus de sa Sardigna - afirmat Melis - is novas grais po su mancau arrespetu de is senténtzias de is tribbunalis, de sa setzioni traballu, de parti de Trenitalia". "In medas casus de pagu tempus fait - acrarat Melis - su giugi de su traballu at stabbiliu su ripristinu de su stipendiu e de is incàrrigus de is lissentziaus, ma custu no est acontéssiu".

"Trenitalia - aciungit Melis - arrespetat scéti sa parti economica, ma no arrespetat is incàrrigus. In Tàtari, po fai un'esémpiu, un'impreada de billeteria, de annus promòvia cun notas personalis meda bellas, si bit fai sa proposta, de allichidiri su logu si bollit torrai a traballai aici comenti at decídiu su giugi, est a nai si bit torrai agoa de gradu ".

Tàtari comenti Melfi. "Cust'acuntéssia - concluit su deputau Pd - si fait pensai a su casu de is tres operàjus de sa Fiat de Melfi, lissentziaus e torraus a pigai de su giugi, ma pigaus de s'aziendha a foras de dógnia atividadi produtiva. Ddoi est perou una diferéntzia: Trenitalia est un'aziendha participada de su Stadu, e duncas cun prus arrexoni no s'iat a depi podi permiti de pagai is traballantis senz''e ddus fai traballai".