S'"istrópiu ambientali" de Malfatano e Tueredda asuba de sa scriania de Napolitano. Su Gig promovit un'apellu online

(IlMinuto) – Casteddu, 1 de su mes''e cabudanni - "Una simpli comunicatzioni de posta eletronica podit fai pagu, ma milli, 5milla, 10milla comunicatzionis simpli de posta eletronica podint portai a arrisurtaus meda mannus". Cun custa cunvintzioni su "Gruppo di intervento giuridico" at fattu un'apellu online po signalai a su Presidenti de sa Repúbbrica, Giorgio Napolitano, a su Ministru de is "Beni Culturali", Sandro Bondi, e a su Presidenti de sa Regioni, Ugo Cappellacci, s'acuntéssia de s'"istrópiu ambientali chi s'est berifichedi in sa costera de Malfatano e Tueredda".
"Unu'istrutura turisticu-edilitzia - denunciat s'apellu de su Gig - de 140milla metrus cubus de mannària asuba de sa costera vírgini de Malfatano e Tueredda, in Teulada (CA). Si cumpletau, su progetu iat a stropiai senz''e torrada una de is prus bellas costeras de su Mediterraneu fadendiddi perdiri puru calisisiat interessu po su turismu".