Scuola. La Provincia di Cagliari dice no alla Gelmini. Andrea Dettori (Sel): “Vogliamo la revoca immediata dei tagli”

(IlMinuto) – Casteddu, 2 de su mes''e cabudanni - "Sa Provìntzia de Casteddu at fattu sa parti sua" po difèndiri s'iscola púbblica de is tàglius bófius a sa marolla de Guvernu natzionali. Nd'est cumbintu Andrea Dettori, cumponenti de su "Comitato precari della Scuola Cagliari" e de pagu Consilleri provintziali, esti stetius difatis elígiu cun "Sinistra Ecologia e Libertà".Su 2 de su mes''e austu passau su Consillu de Provìntzia de Casteddu at difatis aprovau una delíbbera chi - acrarat Dettori in d'una nota - "impignat su Presidenti de sa Provìntzia, sa Giunta e su Consillu provintziali a dimandai, cantu primu, un'atóbiu ténnicu cun sa Regioni Sardigna, po arremaciai su balori de s'istrutzioni contra a sa lógica de is tàglius fattus tanti po ddus fai e puru po fai propostas cuncretas di modu de evitai s'atacu meda grai fattu a is traballantis de s'iscola sarda e a su diritu a s'istudiu de is istudiantis".

Su documentu - precisat su consilleri de Sel - previdit, tra is àterus nuus, sa "rèvoca de is tàglius previdius de su Ministeru de s''Istruzione" (liaus 1037 postus a is maistus e liaus 670 postus tra agiudantis, assistentis amministrativus e ténnicus) in virtudi de sa 'specialidadi' de sa Regioni Sardigna", s'"insertamentu definitivu de is maistus in basi a is postus a disposta", unu "númeru màssimu de 25 alunnus po classi" e "de 20 alunnus po classi cun scéti un'alunnu disvantagiau".