Sa furriada de Cgil, Cisl e Uil: "Sa Giunta regionali no at matenniu su fueddu asuba de s'acórdiu fattu su 4 de su mes''e làmpadas. In su mes''e cabudanni una mobilitada meda manna"

(IlMinuto) – Casteddu, 2 de su mes''e cabudanni - Si furriant Cgil, Cisl e Uil. A pagu mesis de sa firma de s'acórdiu de su 4 de su mes''e làmpadas cun sa Giunta regionali, is sindacaus confederalis annuntziant una mobilitada meda manna po su mesi de cabudanni, cun s'obbietivu, narant, de "otèniri debressi arrisurtaus berus in sa política regionali poita, fintzas a immoi, is arrespustas no funt arribbadas".
S'acórdiu - si ligit in d'una nota sindacali - no esti stetiu mantenniu, sa Regioni no at fattu nudda po cuntrastai is efetus de sa crisi economica e sociali.
"Sa política de passixeddus no andat beni - at nau su segretàriu regionali Cgil Enzo Costa - e addolumannu cussus chi custa Giunta at fattu funt scéti passus agoa: dógnia diri assisteus a sa perdida de postus de traballu, a sa passada de milli e prus de milli traballantis de sa produtividadi a is ammortitzadoris socialis".