Pastorizia. Manifestazione di Coldiretti a Roma. Galan diserta l’incontro al Ministero. Mps pronto a “invadere” Cagliari

(IlMinuto) – Casteddu, 7 de su mes''e cabudanni - Arribbat in Roma sa lota de is pastoris sardus. Ariseru casi 300 allevadoris aprontaus de sa Coldiretti ant manifestau a fac''e sa sedi de su Ministeru de is "Politiche agricole", aundi, a su merì, s'est tentu un'atóbiu po chistionai de sa chistioni. Ausentis su Ministru de is "Politiche Agricole", Giancarlo Galan, e su presidenti de sa Regioni Sardigna, Ugo Cappellacci.
Furiat in veci presenti Toto Meloni, presidenti de su "Consorzio di tutela del pecorino romano".
"Serbint - afirmat Meloni - vìnculus po chini produsit e po chini trasformat. No si podeus acollai is políticas de su cumpartu bàchinu chi si manifestant in modu negativu asuba de su cumpartu de is brebeis, comenti est acontéssiu fintzas a immoi. Tocat a oberri unu cunfrontu nou cun s'Unioni europea".
In su mentris su "Movimento Pastori Sardi" guidau de Felice Floris sighit a fai cussu chi furiat fadendi. At a sighiri un'istrada chi dd'at portai in Casteddu, aundi su 14 de su mes''e cabudanni est in programma una manifestada meda manna. Su movimentu at a ocupai sa citadi cun 300 cuaddus e medas brebeis. E, comenti at fattu sciri Floris in is diris passadas, is pastoris sardus "no s'ant a movi de Casteddu senz''e tenni arrespustas".