Nemus comporat a sa Legler, s’azienda de orrobba acanta a su fallimentu. Pantuma disimpreu po 800 operajus

(IlMinuto) – Casteddu, 29 de su mes''e cabudanni - Est sèmpiri prus acanta sa fini po sa Legler. No tenendi nesciuna un'oferta bera po is istabblimentus de Macumère, Otzàna e Thiniscòle, su cummissàriu istraodinàriu de s'aziendha tessili, Emanuele Rimini, at difatis presentau dimanda de fallimentu a is tribbunalis de Nùgoro e Aristanis. S'annuntziu esti stetiu donau ariseru in Roma, in s'atóbiu chi s'est tentu in sa sedi de su Ministeru de su "Sviluppo economico". S'acostat duncas su disimpreu po àterus 800 traballantis sardus, chi ant a sighiri a pigai sa cassa integratzioni fintzas a sa senténtzia de is Tribbunalis. Sa mantessi sorti at a tocai a is operàjus de s'istabbilimentu lombardu de Ponte San Pietro.