Movimento Pastori Sardi. ‘Prontus a cabai torra in pratza po otèniri s'arrispetu de is impignus’. Oi assembrea in Tramatza

(IlMinuto) – Casteddu, 24 de mes''e cabudanni - Fai su bilànciu de is manifestadas finias cun sa mobilitada de su 14 de su mes''e cabudanni in Casteddu. Cun custu obbietivu su "Movimento Pastori Sardi" s'at a agatai custu mangianu in Tramatza (10.00, Hotel "Anfora"). A s'assembrea ant a participai totus is dirigentis responsàbbilis de is Cumitaus comunalis e zonalis de Mps. "Is impignus chi su guvernadori Cappellacci at pigau cun is pastoris - declarat in d'una nota de imprenta su leader de su Movimentu Felice Floris - depint essi onoraus. De custu momentu 'e totu. Poita no dd'at tempus de pèrdiri. Sa Giunta regionali si depit ponni a traballai debressi a totus is puntus cuncodraus cun is pastoris chi no s'ant a frimmai, ansis, tenint bia sa mobilitada puru si funt satisfaus a su 90-95 po centu de is impignus pigaus, chi immoi depint diventai fatus e provedimentu cuncretus".

[Sighit...] "Su Movimentu - concluit Floris - sighit sa mobilitada e seus prontus a cabai torra in pratza (e custa borta no po dimandai àterus atóbius). Cussu chi teniaus de propòniri a sa Regioni dd'eus nau medas bortas e sparaus diaderus ca custa borta su guvernadori Cappellacci e sa Giunta sua bollant onorai is fueddus naus a fac''e migliaja de pastoris disisperaus, ma chi ancora tenit isperàntzia in is istitutzionis".