L’emergenza sociale assedia il Consiglio. In via Roma la rabbia dei precari della scuola e degli studenti contro il “caro-autobus”. Gli ex Lsu Ata (Usb): “Traditi da Cgil, Cisl e Uil”

(IlMinuto) – Casteddu, 8 de su mes''e cabudanni - Su no a sa "carestia-billetu", sa lota de is precarius de s'iscola, sa mobilitada de is Ata Lsu. Funti stetias centinas is personis chi ariseru ant protestau a fac''e s'intrada de su Consillu regionali de sa Sardigna, asuta de is pórcius de bia Roma. Is istudiantis de s'Uds e de is "Giovani comunisti" ant arremaciau su no insoru a s'aumentu de su prétzius de is billetus de su Ctm e de s'Arst.
"Dimandaus - acrarant Uds e Gc, in d'una nota fatta impari - s'arretiru lestru de is aumentus cumentzaus su primu de su mes''e cabudannu passau. Bia sa necessidadi de recuperai risorsas po fai andai ainnatis su serbítziu - precisat sa nota - is istudiantis (70% de is utentis totslis) cuncondrant cun aumentus piticus e no cun aumentus de fora de conca chi tenint scéti s'intenztioni de fai cassa".
Ant portau sa protesta insoru a fac''e s'assembrea de su pópulu sardu puru is traballantis de su "Coordinamento precari della Scuola Cagliari". In Sardigna, in s'annu iscolasticu 2010/2011, ant essi 1.707, 1.037 maistus e 670 "Ata", is traballantis bogaus de s'iscola púbblica gratzias a sa lei 133 de su 2008. A pagu metrus de su Consillu regionali, a fac''e sa sedi de sa Diretzioni Regionali Iscolastica Sarda, ant protestau puru 50 ex Lsu Ata, traballantis chi allichidiant is iscolas.

Traballantis de s'Usb chi puntant su didu contra a is sindacaus confederalis. "Nos lotaus - si ligit in d'una nota - contra a is tàglius de is risorsas e po pigai comenti Ata is ex Lsu. Nos lotaus po una stabilizatzioni bera. E cussus, Cgil, Cisl e Uil, firmant po s'aumentu de is càrrigus de traballu e ddu lamant 'otimizatzioni de is serbítzius'. Cgil, Cisl e Uil no rapresentant prus is traballantis".