Círculu Centopassi (Prc). ‘No a sa caserma de Pratosardo'

(IlMinuto) – Casteddu, 28 de su mes''e cabudanni - "Sa costrutzioni de una caserma in Prato Sardo cun assumancu 180 militaris e un'ispesa de prus de 12millionis de euros est no scéti su cuntrastu craru cun sa militarizatzioni de su territoriu mandada ainnantis de s'ex Presidenti Renato Soru, ma influit asuba de s'isvilupu culturali de sa citadi". Est cantu afirmat cun d'una nota de su 13 de su mes''e cabudanni su círculu Prc "Centopassi" de Nùgoro.Fai su Campus Universitariu in viale Sardegna - acrarat sa nota - iat a essi acapiau a fai su fàbbricu militari. "Su Círculu Centopassi - precisat su documentu - espressat sa própriu contrariedadi a sa militarizatzioni de su territoriu. Sa Cultura, s'Universidadi, s'Istrutzioni, no funt una merci de cambiu e no si podint cambiai cun is 'progetus caserma' e nemmancu cun nesciunu pranu de difesa natzionali chi serbit a is operatzionis internatzionalis de gherra".