Cgil Tàtari. "Prontus a sa protesta asuta de sa sedi de s'Inps. 40 pratigas po sa cassa integratzioni frimmas"

(IlMinuto) – Casteddu, 17 de su mes''e cabudanni - Sa Cgil est pronta a manifestai asuta de sa sedi de s'Inps de Tàtari po protestai contra a is istentus po sa cuncessioni de sa cass''e integratzioni e is 40 pràtigas ancora frimmas. Est cantu denunciat una nota de imprenta fatta connosci in is diris passadas de sa Camere de su Traballu de Tàtari.

"In totu s'Ísula - acrarat sa nota - funt milla e prus de milla is pràtigas de cass''e integratzioni ancora frimmas, e in Tàtari sa chistioni est meda grai: sa mancàntzia de personali no permitit de sbrigai is pràtigas, cun s'arrisurtau ca is dimandas de agiudu de is aziendhas in apretu, e de cusseguéntzia su pagu dinai versau a is traballantis chi no pigant prus su stipendiu, creat totu una fibera de cusseguéntzias pagu bellas: is traballantis chi no pigant prus su salàriu, impari a is famílias insoru, po su prus scéti cun d'unu rédditu, no podint nemmancu contai asuba de s'agiudu púbblicu".