Caligaris (Sdr): "Su presoni nou de Casteddu no est legali. Duas disgàrrigas fatta a 500 metrus de s'istrutura"

(IlMinuto) – Casteddu, 2 de su mes''e cabudanni - Su presoni nou in faàbbricu in s'area industriali de Casteddu in Camp’e Luas, in su territoriu de Uda, no est legali. Ddu denunciat cun d'una nota sa presidenti de s'Assótziu "Socialismo Diritti e Riforme", Maria Grazia Caligaris. Sa rapresentanti socialista denunciat difatis sa preséntzia de duas disgàrrigas acanta de su presoni nou.

"Duus lacus meda mannus e fungudus fattus e atretzaus po arragolli su cinisu de s'impiantu de su Tecnocasic de Machiareddu - precisat Caligaris - arriscant de provocai àterus tardamentus in s'obertura de su presoni nou de Casteddu at essi difícili a ddu fai funtzionai primu de su 2013. Is lacus meda mannus, a oi no funt usaus, funti stetius fattus a 500 metrus de su presoni mentris sa lei previdit una distàntzia assumancu de milla metrus".