77 annus no est cumpatìbili cun su presoni. Bernardini (Radicali) denunciat a sa Càmera s'acuntéssia de sa 'nonnixedda' presonera in Casteddu

(IlMinuto) – Casteddu, 24 de mes''e cabudanni - Est arribbada in Parlamentu s'acuntéssia de sa "nonnixedda" presonera in Buoncammino. Sa rapresentanti is radicalis Rita Bernardini at difatis presentau un'interrogatzioni parlamentari asuba de s'acuntéssia a is Ministrus de sa "Giustizia" e de sa "Salute" po perificai is cunditzionis de una presonera de su presoni casteddaiu. Su documentu afrontat s'acuntéssia de una fémina de 77 annus chi tenit medas maladias, declarada po nudda cumpatìbili cun sa presonia fintzas de 2009, ma ancora presonera. S'interrogatzioni est sighia a pustis de una dinúntzia de Maria Grazia Caligaris, presidentide s'assótziu Socialismo Diritti Riforme.
Sa rapresentanti socialista at atobiau torra a sa fémina, Stefania Malu, casteddaia, presonera de 20 mesis. "In prus de un'ocasioni afirmat sa presidenti de Sdr - at manifestau discumbéniu e dolu a sa presonia. Arribbendi povíntzas a arrefudai sa cura po denunciai su mabi suu. Est de foras de conca ca, nonostanti is presoneris chi tenit de prus de setant'annus e chi po lei podint scontai sa pena in istruturas diversas de su presoni, chi sa fémina depat sighiri a abarrai in presoni".