Video on line 2.0. Sighit sa batalla de is 473 traballantis de su call center. Cras manifestada in viale Trento

(IlMinuto) - Casteddu, 4 de su mes''e austu - No si firmat sa lota de Video on line 2.0. Cras a mangianu is 473 operadoris de su call center de bia Montecassino ant essi protagonistas de unu sit in nou - acumpangiau de su carraxu de pingiadas e sartàinas usadas comenti tamburru - a fac''e sedi de sa Regioni in viale Trento, in Casteddu. "Presoneris de un'aziendha pantuma" e senz''e biri dinai de su mes''e maju, is traballantis sighint a abetai "novas de parti de is Istituzionis e de Telecom Itàlia po su tempus benidori in matéria de ocupazioni, ocupazioni po totus is 473 traballantis".
"A sa luxi de una lamada, de parti sa Regioni, po custa cida, chi teniat comenti argumentu sa vertenza e chi in veci no ddoi esti stetia - si ligit in d'una nota sindacali - is Rsu ant decidiu de proclamai una mobilitada noa".
"No podeus - precisat su documentu - permítiri de fai cumenzai su mes''e austu senz''e nesciuna lamada e timeus ca, arribbaus a su períodu de is festividadis de Mesaustu, is tratativas po sa crisi de Vol 2.0 alliscinint indetura a su mes''e cabudanni".