Traballantis Vinyls. Ses mesis in s'ísula e sa cassintegratzioni (400 eurus) est po spaciai. Si spostat su bandu internatzionali

(IlMinuto) – Casteddu, 27 de su mes''e austu - "Ses mesis de presoni senz''e cunditzionali". Aici una vigneta pubblicada in su blog uficiali definit sa protesta de is traballantis de sa Vinyls de Pòrtu Turre, chi ocupant de 183 diris s'ex presoni de S'Asinàra. S'ísula de is cassintegraus, chi perou debressi no ant essi prus aici. "Ses mesis a is pabas - si ligit un d'una nota - est una 'arrelogiu a arena' chi est spaciendu. E tra calincunu mesi no at a esisti prus un'ísula de is cassintegraus, poita at a benni a mancai cussu pagu de cassintegratzioni de 400 eurus, sustentamentu de is poberus fillus de custa malesa chi benit de su mundu de su traballu".

In su trastempus de Marghera arribbat una nova po nudda bella. "Si spostat a cida chi benit - scririt su giornali 'la Nuova Venezia' – sa pubblicatzioni de su segundhu e últimu bandu internatzionali po sa béndhida in blocu o a 'arrogus' de is impiantus de sa Vinyls (ex Ineos) in amministratzioni istraordinària e frimma de prus de un'annu".