Mostre. "Ritratti e stagioni della città di Cagliari" nelle fotografie di Thermes e Bittichesu

(IlMinuto) - Casteddu, 10 de su mes''e austu - Si lamat "Tracce di tempo: ritratti e stagioni della città di Cagliari", sa mostra dedicada a s'òpera de su fotografu casteddaiu Alfonso Efisio Thermes a carant'annus de sa morti. Aghillia finzas a su 26 de su mes''e cabudanni in is aposentus de Centru Comunali d'Arti e Cultura "Il Ghetto",  in Casteddu, s'aparada est cumposta de 150 immàginis in biancu e nieddu imprentadas de negativus originalis in làmmias de imbirdi e pellícula.
Sa mostra est fundada asuba de s'òpera de Thermes "chi fadiat su fotografu in Casteddu de is primus annus de su Noixentus finzas a is annus '60".
No est totu, poita s'aparada presentat in prus 20 fotogràfias a caboris de Francesco Bittichesu, fotografu espertu chi de pagu at bintu su prémiu internazionali PDN, Photo Annual Award 2010. Is fotogràfias de Bittichesu torrant a ammostai is mantessis logus-símbulu de sa citadi de Casteddu fotografaus in su tempus andau de Thermes.
Sa mostra, oberta su 9 de su mes''e argiòlas, esti stetia aprontada de s'Assóziu Culturali InControLuce, e esti stetia curada, tra is àterus, de s'Assessorau a sa "Cultura" de Casteddu, de su Cunsórziu Camù, de sa Provìnzia de Casteddu, de sa "Fondazione Banco di Sardegna", de sa "Banca di Credito Sardo" e de su "Banco di Sassari".