IlMinuto: online sa faci noa de su giornali. Perfeta simmetria tra italianu e sardu

(IlMinuto) – Casteddu, 26 de su mes''e austu - De oi est online sa faci noa de IlMinuto, cun fieresa su primu giornali online totu in italianu e in sardu. Sa faci noa de su giassu est totugantu in duas línguas, cun d'una simmetria perfeta tra sa língua italiana e sa língua sarda. Clichendi asuba de sa bandhera sarda o asuba de cussa italiana est difatis possíbbili sceberai in cali língua ligi is novas. De oi is ligidoris podint consultai is archívius cun prus facilidadi, ma no scéti, tenint puru unu calendàriu meda cómodu de is novas. Bonu ligiméntu!