Ctm. Zuncheddu (Rossomori) e Zedda (Sel): "Trasportus a gratis o a prétziu políticu po istudiantis e is catogorias prus débbilis"

(IlMinuto) – Casteddu, 31 de su mes''e austu - Sa chistioni de s'aumentu de is prétzius de is billetus de su Ctm intrat in su Consillu comunali de Casteddu. Cun un'interrogatzioni a su síndhigu Emilio Floris, is consilleris Claudia Zuncheddu (Rossomori) e Massimo Zedda (Sel) dimandant "a s'amministratzioni comunali e a is rapresentantis chi funt aintru de su Ctm de si fai promotoris de solutzionis ténnicas po s'abbatimentu de su prétziu de su billetu e de is abbonamentus". Zuncheddu e Zedda proponint de fai "fàscias orarias urbanas a gratis o a prétziu políticu po is istudiantis e po is categorias prus débbilis economicamenti, est a nai disimperaus, precarius, pensionaus, invalidus".

"S'intrada de s'aumentu de prus de su 20 po centu de su prétziu de su billetu e de is abbonamentus Ctm -  denunciant is duus consilleris - corpit sa mobilidadi urbana de is citadinus e penalizat in modu meda grai is prus débbilis de sa sociedadi".