Vinyls: sighit s'ocupazioni de s'ex presoni de S'Asinàra. Su blog: "Is istradas de sa bitória funt infinias"

(IlMinuto) – Casteddu, 13 de su mes''e argiòlas - "Chini lotat podit perdi, chini no lotat at giai perdiu". Si serrat cun custus fueddus unu de is ùltimus post chi s'agatant in su blog de s'Ísula de is Cassintegraus: acanta de fai 140 diris de su cumenzu de s'ocupazioni de s'ex presoni de S'Asinàra is traballantis de sa Vinyls no tenint nesciuna intenzioni de s'arrendi e de lassai s'ísula.
"Seus cunbintus de custu - precisant is operàjus - chi puru s'àcua, dona e dona, cun firmesa iscavat sa pedra. E Davide batit a Golia. Sa mantessi cosa at essi po nos: is istradas de sa bitória funt infinias. Ma sighei a si sighiri, naraideddu in dógnia logu, criticaisì e sighei a si pigai ànsia po sa protesta nostra".