Video on line 2.0. Presídiu a fac''e su Tribbunali de Casteddu. "Sa Magistradura nominit s'Amministradori istraordinàriu"

(IlMinuto) - Casteddu, 22 de su mes''e argiòlas - "Inzuzulai cun forza s'interventu de sa Magistradura a manera chi bengat nominau debressi un'Amministradori istraordinàriu". Cun custu intentu is traballantis de su call center Video on line 2.0 ant aprontau po cras a mangianu unu presídiu a fac''e su Tribbunali de Casteddu, arbítriu acumpangiau de una diri intrea de isciòpiru. A pustis de 47 diris de ocupazioni is organizazionis sindacalis e is 473 traballantis de s'istrutura de bia Montecassino ant decidiu de lamai una manifestada noa - a pagus diris de sa manifestada de lùnis - "a sa luxi de sa circustànzia aziendhali difícili, e sèmpiri prus infernali, chi bit is traballantis de mesis senz''e biri unu soddu e senz''e una proprietadi chi siat de agiudu a fai andai ainnantis sa gestioni de sa sociedadi". Azionis de lota noas ant essi aprontadas tra pagu tempus. "In is diris chi benint - si ligit in d'una nota sindacali - ant essi fattas is assembreas po cundivídiri cun is traballantis is disignus po àteras azionis de fai".