Video on line 2.0: de sa Regioni un'agiudu de 450 eurus po tres mesis

(IlMinuto) - Casteddu, 29 de su mes''e argiòlas - Sa Regioni Sardigna at a agiudai is 480 traballantis de Video on line 2.0 cun d'unu finanziamentu de 450 eurus po tres mesis. Est custu s'arrisurtau de s'atóbiu tra s'assessori regionali de su "Lavoro" Carlo Manca e is rapresentantis de Cgil, Cisl e Uil, chi s'est tentu ariseru in Casteddu.
Bia sa cundizioni de s'aziendha - no pagat is stipendius de medas mesis ma no at declarau su stadu de crisi e no at lissenziau is operadoris - no est a oi possíbbili pigai is ammortizadoris socialis.
"Po apretai sa libberazioni nostra de Vol2 - si ligit in d'una nota - is Confederalis de Cgil, Cisl e Uil funt dimandendi un'atóbiu a sa Prefetura po chistionai de su stadu de s'aziendhaPo s'atóbiu at essi lamada de ufíciu puru s'impresa".