Video on line 2.0. Camarra (Cgil): "Responsabbilidadi grai de Telecom"

(IlMinuto) – Casteddu - 27 de su mes''e argiòlas - "Telecom at straciau su cuntratu senz''e sighiri su caminu cuncodrau cun sa Regioni, senz''e ai definiu is modus po fai passai is traballantis de un'operadori a s'àteru, e si pigat una responsabbilidadi meda grai".
Cun custus fueddus su segretàriu de sa Slc Cgil de Casteddu, Roberto Camarra, bullat a s'aconcada de su culossu de is telecomunicazionis de straciai su cuntratu cun su call center casteddaiu Video on line 2.0.
Sa decisioni de Telecom - acrarat Camarra - "cumplicat sa gestioni de sa cosa e custringit a totus, Regioni, Telecom e operadori nou, a una acradiadura de su processu. Immoi tocat a totus is partis arrespetai is patus: a sa Telecom, su fornidori nou de su serbíziu e a sa Regioni".
"A is sindacaus - concluit su segretàriu - su compitu de acastiai (...) ca is livellus de s'ocupazioni bengant garentius, po totus is 473 traballantis chi ant traballau a is órdinis finzas a oi".