UN'ANNU FAIT. Cordinamentu Kurdistan: apellu po sa mobilitazioni contra a s'estradizioni de Avni Er

(IlMinuto) - Casteddu, 6 de su mes''e argiòlas de su 2009 - Su Cordinamentu Kurdistan fait un'apellu "a totus is antifascistas e a is democràticus" po si mobilitai contra a s'estradizioni de su presoneri curdu Avni Er in Turchia "aundi iat a arriscai sa vida". Sa pregadoria de su Cordinamentu Kurdistan" arribbat a pustis de su trasferimentu de Avni Er de su presoni de Bad’ e Carros in Nùgoro a cussa de Beneventu. Su trasferimentu, a cantu narat sa nota de imprenta, iat a podi annunziai s'estradizioni in Turchia. Avni fut stestiu cundennau in su 2006 a set'annus de presoni po ai fattu parti de su Dhkp "insertau - acrarat su cordinamentu - in is listas de tenni a castiu, fattas de s'Ue a pustis de s'11 de su mes''e cabudanni". "Una mobilitazioni manna - narat su comunicau - iat portau, giai in su 2008, sa Corti de Apellu de Tàtari a arrevesciai sa dimanda de estradizioni fatta de Ankara".