"Trebea" in su Serbíziu Psichiàtricu de Casteddu. Espa (Pd): "Pràtiga perigulosa po sa vida de is maladius"

(IlMinuto) - Casteddu, 30 de su mes''e argiòlas - Su presidenti de Giunta regionali, Ugo Cappellacci, e s'assessori regionali de sa "Sanità", Antonello Liori, scint ca in su Serbíziu Psichiàtricu de Diàgnosi e Cura 1 de Casteddu ant torrau a pigai a fai a is maladius sa pràtiga de sa "trebea"? Est cantu dimandat a is rapresentantis de sa Giunta regionali in d'un'interrogazionioni firmada de calincunu consilleri de su centrusinistra, primu a ai firmau est Marco Espa (Pd).
"Segundu cantu s'est scípiu de is giornalis pagu tempus fait - scrirint is consilleris - parrit ca asuba de sa peddi de il maladius chi funt in cura a sa marolla, a oi, si fazat ancora sa trebea, cun arriscus meda grais po sa vida de is personas, arregordaus cun dolu s'evidénzia de cussu chi est acuntéssiu in àterus tempus cun sa morti de unu maladiu".
"Sa pràtiga - acrarat s'interrogazioni - "est de fattu perigulosa po sa vida de is maladius". "Sa torrada de sa pràtiga de su trebeu furiat stetia denunciada cida passada de  Gisella Trincas, presidenti de s'Assóziu sadru po s'"Attuazione della Riforma psichiatrica". "In su Serbíziu Psichiàtricu de Diàgnosi e Cura de Casteddu, dirigiu de Paolo Turri - iat scrittu Trincas - si sighint a disonorai is diritus umanus. Unu piciocu giòvanu de pagu prus de 20 annus, a su primu ricoveru suu (a sa marolla in cura sanitaria) est acapiau a unu letu de custu serbíziu".