Traballu. In Viale Trento s'arràbiu de is precarius de is Cesil e is Csl. "Bolleus essi arricius de Cappellacci"

(IlMinuto) - Casteddu 20 de su mes''e argiòlas - Si fait prus forti sa lota de is 400 precarius de is Cesil e de is Csl. Custu mangianu est difatis in programma unu sit in a fac''e sedi de sa Regioni in viali Trento, in Casteddu. Is traballantis dimandant de essi arricius de su Presidenti de sa Regioni. Si aici no fessat seus prontus a si spostai a manifestai a fac''e su Consillu regionali, in via Roma.
"Sa Regioni - denunciat in d'una nota su sindacau de basi Usb-Rdb - no fait nudda po afortiai cussus istrumentus berus chi podint essi positivus in matéria de políticas de su traballu e de lota a su disimpreu: su Sistema de is Serbízius po su traballu de Csl e Cesil. A su contràriu, in d'una política de nudda bideus societadis 'in house' po nudda útilis: machinas beras de parzialidadis e isperdízius de risorsas púbblicas".